ການວິໄຈໃນຫ້ອງຮຽນ

ວິທີດໍາເນີນການວິໄຈໃນຫ້ອງຮຽນເພື່ອພັດທະນາຜູ້ຮຽນ

ສັງເກດອາການຜິດປົກະຕິທາງການຮຽນ/

ຄວາມປະພຶດຂອງຜູ້ຮຽນເພື່ອລະບຸບັນຫາແທ້

  

                ຂຽນລາຍງານຜົນ

                                                                        ຊັກຖາມເຖິງສາເຫດແທ້

                ລົງມືແກ້ ແລະ ຈົດບັນທຶກ

                                                         ຫາວິທີແກ້ທີ່ກົງກັບສາເຫດ

1.   ການລະບຸບັນຫາແທ້

1.1  ລັກສະນະຂອງບັນຫາແທ້

-      ເປັນບັນຫາມານານຫຼາຍວັນ

-      ເປັນບັນຫາຜູ້ຮຽນບາງຄົນ

-      ເປັນບັນຫາການຮຽນ/ຄວາມປະພຶດ

-      ບັນຫານັ້ນສາມາດອະທິບາຍພຶດຕິກໍາໄດ້

-      ບັນຫານັ້ນຫາສາເຫດໄດ້

-      ເປັນບັນຫາທີ່ຄູແກ້ໄຂເອງໄດ້

v  ວິທີລະບຸບັນຫາ

1)     ບັນຍາຍສະພາບການຮຽນການສອນກ່ອນພົບບັນຫາ

2)    ລະບຸວ່າພົບບັນຫາໄດ້ຢ່າງໃດ ໂດຍຜູ້ໃດ

3)    ເປັນບັນຫາຜູ້ຮຽນຈັກຄົນຈາກທັງໝົດ

4)    ເປັນບັນຫາສະເພາະວິຊານີ້ຫຼືທຸກວິຊາ

5)    ບັນຍາຍລັກສະນະຂອງບັນຫາ

ຕົວຢ່າງ : ນັກຮຽນ ປ3 ອອກສຽງ “ ຂວ ” ບໍ່ໄດ້

1)     ໃນວິຊາພາສາລາວ ຢູ່ຫ້ອງ ປ3 ຄູໃຫ້ນັກຮຽນອ່ານຄໍາທີ່ຄວບດ້ວຍ  ຂວ  ພົບວ່າ : ມີນັກ ຮຽນ 5 ຄົນ ອອກສຽງ ຄໍາວ່າ ແຂວງ  ເປັນ  ແຂງ , ແຄງ , ແຂ່ງ

2)    ຄູສັງເກດການອອກສຽງຂອງນັກຮຽນ 5 ຄົນ ເມື່ອໃຫ້ອ່ານດ່ຽວ

3)    ເປັນບັນຫານັກຮຽນ 5 ຄົນ ຈາກ 30 ຄົນ

4)    ເປັນບັນຫາທຸກໆວິຊາທີ່ມີຄໍາ “ ຂວ”

5)    ການອອກສຽງ  “ ຂວ” ຂອງນັກຮຽນ 5 ຄົນ ອອກເປັນສຽງ “ ຂ” ທຸກຄັ້ງ

1.2 ຈາກບັນຫາແທ້ຄູອາຈານລະບຸສາເຫດແທ້

v  ລັກສະນະຂອງສາເຫດແທ້

1)       ໃນ 1 ບັນຫາມີຫຼາຍສາເຫດ

2)    ເປັນສາເຫດທີ່ອະທິບາຍພຶດຕິກໍາໄດ້

3)    ເປັນສາເຫດຂອງຜູ້ຮຽນບາງຄົນບາງເລື່ອງ

4)    ເປັນສາເຫດທີ່ຄູອາຈານແກ້ເອງໄດ້

v  ການເລືອກສາເຫດທີ່ແທ້ມາແກ້

1.     ຄູອາຈານເລືອກສາເຫດແທ້ ທີ່ຕົນແກ້ໄຂໄດ້

2.    ຄູອາຈານຖາມຕົ້ນຕໍຂອງສາເຫດ ຈະໄດ້ຕົ້ນຕໍແທ້ໆ

ຕົວຢ່າງ :  

1)      ສັງເກດການອອກສຽງບໍ່ຖືກຕ້ອງຂອງນັກຮຽນ 5 ຄົນ

2)    ຊັກຖາມເດັກແຕ່ລະຄົນ ( ໃນ 5 ຄົນ ) ວ່າຢູ່ບ້ານອອກສຽງແນວໃດ

3)    ລອງໃຫ້ອ່ານຄໍາອື່ນທີ່ມີ “ຂວ”

4)    ສັງເກດປາກ ແລະ ຜົ້ງສຽງ ຕະຫຼອດອະໄວຍະວະອື່ນໃນຂະນະອອກສຽງ

ສະຫຼຸບສາເຫດຂອງແຕ່ລະຄົນດັ່ງນີ້ :

         ຄົນທີ 1 :  ມີສາເຫດມາຈາກທາງບ້ານເຄີຍອອກສຽງ

         ຄົນທີ 2 : ມີສາເຫດມາຈາກລີ້ນໄກ່ສັ້ນ

         ຄົນທີ 3 : ມີສາເຫດມາຈາກທາງບ້ານເຄີຍອອກສຽງ

         ຄົນທີ 4 : ມີສາເຫດມາຈາກທາງບ້ານເຄີຍອອກສຽງ

         ຄົນທີ 5 : ມີສາເຫດມາຈາກທາງບ້ານເຄີຍອອກສຽງ

                             ນັກຮຽນ 4 ຄົນມີສາເຫດມາຈາກທີ່ບ້ານອອກສຽງ  ສ່ວນຄົນທີ 2 ຈໍານວນ 1 ຄົນ ແມ່ນ

                   ລີ້ນໄກ່ສັ້ນ . ຄູຄວນແກ້ໄຂ 4 ຄົນ ( ເພາະແກ້ໄຂເອງໄດ້ ) ສ່ວນ 1 ຄົນ ຄວນປຶກສາຜູ້ປົກຄອງ

                   ເພື່ອໃຫ້ແພດແກ້ໄຂຕໍ່ໄປ .

1.3 ວິທີແກ້ໄຂ

ຄູອາຈານເລືອກແກ້ໄຂເທື່ອລະ 1 ສາເຫດ ແລະ ຫາວິທີແກ້ໄຂທີ່ກົງປະເດັນ ໂດຍເປັນວິທີແກ້

ໄຂໃນໄລຍະການສອນ ຫຼື ກ່ອນ/ຫຼັງການສອນ  ແລະ ບໍ່ເຮັດໃຫ້ເສຍຫາຍແກ່ນັກຮຽນຄົນອື່ນ (ກຸ່ມໃຫຍ່ )